Kitob - tafakkur xazinasi
Kitob – insonni aqlan yetuk darajaga erishishiga va ma‘naviy kamolotiga yordam beradi, kitobdan joy olgan ilm sarchashmalari orqali har birimiz ruhiy ozuqa olamiz. Fan va texnika behad rivojlangan hozirgi davrda insoniyat ma’naviyatining qashshoqlashib ketishining oldini oluvchi yagona qurol - kitobdir. Mutolaa insonni fikrlashga chorlaydi hamda dunyoqarashni boyitadi. Inson o‘qish orqali yangi fikrlar va yorqin g‘oyalar oladi, yangi va o‘zgacha fikrlar yuzaga kelishiga yordam beradi. Bu esa albatta tashkilotning samarali faoliyatiga turtki bo'ladi.
Aynan shu maqsadlarda, Kadastr agentligining Davlat kadastrlari palatasi ma’naviy-ma’rifiy ishlarning yangi tizimini yaratish bo‘yicha 2023-yil uchun “YO‘L XARITASI” ning 9-bandida “Davlat kadastrlari palatasi xodimlarining ma’naviy va tafakkur dunyosini boyitish” maqsadida Kadastr agentligining Davlat kadastrlari palatasida har hafta xodimlar uchun yaxshi imkoniyat yaratildi, ya’ni haftada 1 soat ular uchun mutolaa soatiga ajratilishi tashkil qilindi.
Unda xodimlar o‘ziga ma’qul kelgan har qanday adabiyotlarni hamda sohaga taalluqli bo‘lgan kitoblarni bir soat davomida ishdan holi bo‘lgan holda mutolaa qilishi mumkin bo‘lmoqda.
Shuningdek, tashkilot ma'muriyati tomonidan 200 ga yaqin turli mavzudagi kitoblar sotib olinib, maxsus javonlarga joylandi va binoning har bir qavatida kitoblar burchagi tashkil qilindi.
Mutolaa soatlari Kadastr agentligining Davlat kadastrlari palatasi hamda uning hududiy boshqarmalarida quyidagi ko'rinishda tashkil etilgan:
